My speech on my 21'th birthday

समयको नियमित गतिसँगै यो धर्तिमा टेकेकोपनि आज (२०७१–०६– ११) २१ औँ वसन्त पुरा भएछ । यो बर्षको दशैँपनि नजिकै आईसकेको छ । आजसम्म आउँदा २० ओटा दशैँ मानि सकियो । यि दशैँहरुसँगै २१ ओटै वसन्त–शिशिर, पुस माघको जाडो, बर्षे झरी र समयको अनुभव गर्दै आज यो अबस्थामा आई पुगेको अबस्था हो । आज सवेरै मोवाईलको घण्टि बज्यो, आधा निद्रामै फोन उठाएँ । घरबाट ममिले फोन गर्नुभएको रहेछ । निद्रामै फोन उठाएँ । ममिले बाबु जन्म दिनको शुभकामना छ है तिमिलाई भन्नुभयो । मन भित्रैबाबट खुसियाली छाएर आयो । मन त्यसैत्यसै आनन्दित भएर आयो । ममिलाई मैले मनको भित्रि कुनादेखि नै धन्यवाद प्रकट गरेँ । ममिको फोनसँगै दिनभर जसो फोनका घण्टिहरु बजिरहे । एसएमएस पनि धेरै नै आए । जसबाट मेरो भलो सोच्नेहरुपनि रहेछन भन्ने महशुस भयो । मनमा आँट बढेर आयो । कतिपय शुभकामना राती पनि आएका रहेछन । एसएमएस र फेसबुक मार्फत । त्यो पनि नियाँले । त्यसले मलाई मायाँ गर्ने मान्छेहरु धेरै रहेछन भन्ने अनुभुती भयो । एक चोटी त लाग्यो साथीभाई, आफन्त, घरपरिवारको मायाँ पाउन जन्मदिन आउनुपर्दोरहेछ । साँच्ची आज धेरै खुसि लागि रहेको छ । मेरो बुवा ममि आज तपाईहरु नभएको भए म पनि हुने थिईन । खै तपाईहरुलाई म कहिले ऋण तिर्न सकुलार ? तर पनि राम्रो गर्ने प्रयास गर्नेछु । राम्रो मान्छे हुने प्रयास गर्नेछु । मैले सकेसम्म तपाईहरुको आँखामा आँशु बग्न दिनेछैन । र अन्तमा मलाई जन्मदिनको शुभकामना दिएर मलाई हौसला प्रदान गर्नुहुने तपाई सम्पुर्णलाई धेरै–धेरै धन्यबाद दिन चाहान्छु । हार्दिक अभार ब्यक्त गर्दछु.......... र आउँदै गरेको दशैँ–तिहार–छठको अबसरमा सबैसवैलाई शुभकामना सहित सफलताको कामना गर्न चाहान्छु ।.......... मिलन लोहनी दर्शन ,